#WAZAZI WALEENI WATOTO KATIKA NJIA YA KRISTO

Mithali 22:6 inasema; “mlee mtoto katika njia impasayo, naye

hataiacha, hata atakapokuwa mzee”. Hivyo ni malezi ndiyo yafanyayo

watoto kuwa wema au wabaya au watukutu, kumbuka huwezi

kuwatenga watoto na jamii, nchi au dunia hii iliyojaa yote mema na

mabaya isipokuwa kwa kuwajaza nguvu ya kushinda majaribu ya

dunia ambayo imo katika Neno la Mungu.

Kwa habari ya Ibrahimu anasemaje basi Bwana Yesu pale alipokuwa

akijiuliza amwambie au kumficha Ibrahimu kuhusu kusudi lake la

kuteketeza Sodoma na Gomora; Bwana anasema nimemjua ya

kwamba atawaamuru wanawe, nyumba yake baada yake waishike

njia ya Bwana, wafanye haki na hukumu (Mwanzo 18:19).

Kuhusu Mfalme Yoashi wa Israeli alianza kutawala tangu akiwa na

miaka 7 na alitawala miaka 40; Pale bibi yake yaani Athalia ambaye

alikuwa mtoto wa Ahabu and Yezebeli alipotaka kuwa Malkia

aliwauwa watoto wote wa Mfalme Ahazia mwanae, ambapo ni Yoashi

tu pekee alifanikiwa kutoroshwa na shangazi yake na kufichwa kwenye

chemba za hekalu akiwa bado mtoto mdogo na alifundishwa njia ya

haki ya Bwana na Kuhani Yehoyada kwa miaka 6 hekaluni alimofichwa

na akaielekea njia hiyo akafanya yaliyomema machoni pa Bwana kama

alivyofunzwa na kuhani, akatenda yaliyo ya haki na hukumu kipindi

chote cha ufalme wake (2 Wafalme 11:1-12; 12:1-2).

Pia Modekai aliyemulea Esta ambaye alikuwa yatima binti wa mjomba

wake, alimfundisha na kumkuza katika maadili mema, naye akaifuata

njia ya Bwana akawa mwanamke mwema na mwadilifu naye akayaishi

yote, akatenda haki na hukumu na mwishowe akaiponya Israeli na

maangamizo yaliyokuwa yamekusudiwa kwa hila na Hamani (Esta 2:7).

Kuhani Eli hakuwaonya watoto kuhusu kuielekea njia ya haki laana

ikaifuata familia na uzao wake ukaangamia naye Eli pia (1 Samweli

2:12; 3:13-14).

Lutu aliishi nchi ya anasa ya sodoma na gomora lakini kutokana na

kutowanyoosha watoto wake njia ya haki, pamoja na kuponywa na

Bwana na kiama ya moto; bado wanawe dhamiri na nafsi zao

zilishikamana na yale yaliyokuwa yakitendeka sodoma na gomora,

hawakushikimana na njia ya haki nao wakazini naye akiwa amelewa

na kuzaa watoto wa kiume na baba yao na habari yake Lutu ikaishia

hapo (Mwanzo 19:1-38).

Hata Paulo alitambua suala la malezi ya imani lilivyo na muhimu,
pale alipomwambia Timotheo (2 Timotheo 1:5-6); "nikiikumbuka imani
uliyonayo  isiyo na unafiki, ambayo ilikaa kwanza katika bibi yako Loisi,
na katika mama yako Eunike, nami nasadiki wewe nawe unayo. kwa
sababu hiyo nakukumbusha, uichochee karama ya Mungu, iliyo ndani 
yako kwa kuwekewa mikono yangu".
Hivyo ndugu ishike njia ya haki wewe na nyumba yake yote kwa

maana hakika zimwi likujualo halikuli likakwisha hivyo suluhu ni Neno

la Mungu likae kwa wingi ndani yetu na kwa watoto wote kwani

hakuna njia ya kupingana na shetani na ufalme wake isipokuwa kwa

kuwa karibu sana na Mungu ile imani yako.

Wazazi tujifunze na tuwe kama Yohana mbatizaji, tuiandae njia ya

Bwana katika familia zetu ili watoto wamuishe yeye Kristo na siyo

kuvutwa na anasa za dunia ambalo ni pando la adui shetani, yaani

awakute wakiwa wameandaliwa nakujua Bwana Yesu hakika ndiye

Mungu.

Kwa maana kama wana wa Lutu wangemjua Mungu yaani njia ya

kweli na haki ile dhambi ya sodoma na gomora isingewafutilia mpaka

kule kwenye makao mapya. Kwa hivyo suluhu nikuwa na nguvu ya

Neno la Mungu kumshinda shetani ili awaonapo awakimbie; kwa

maana ni kwa Neno la Mungu lililojaa ndani yetu tunampinga shetani.

Kumbuka kushindana na shetani ni kushindana na ufalme wa giza

tunapingana nao, kwani pepo akitoka huyu anakuja huyu kwa hivyo

suluhu ni moja tu we jaza Neno la Mungu ndani ambalo ndiyo Mungu

mwenyewe; yaani Mungu Baba, Mungu Mwana na Mungu Roho

Mtakatifu na hilo ndilo litakalomuweka shetani na ufalme wake mbali

nao. Ndiyo! Neno la maarifa, Biblia inasema tunaangamia kwa kukosa

maarifa, na maarifa ni katika Neno la Mungu.

Sala; Mwenyezi Mungu niongoze mimi kama mzazi kwa neema yako

niweze kuwalea watoto wangu katika njia iwapasayo iliyo ya Haki ya

Bwana nipe hiyo karama Bwana Yesu ili wadumu katika kweli na

mioyo minyofu siku zote za maisha yao katika jina la Yesu Kristo wa

Nazareti, Amina.