Tena katika Yohana 17:22 Yesu anasema; "Nami utukufu ule ulionipa nimewapa wao; ili wawe na umoja kama sisi tulivyo na umoja". ona He said; "that glory which you gave me, i have given them", this is powerful!
Sikia hii; aliteswa tupate haki ya kuwa na kuitwa wana wa Mungu.
Iliyoitwa kufuru kuwa mwana wa Mungu ikawa haki yetu.
Kwa uthubutu wake, akagharamia hata mauti yake, alitamka hivyo ikawa.
Na haki hiyo ilikuja na uweza uliotupa sisi ujasiri na nguvu katika ukiri wetu kuwa sisi ni wana wa Mungu hakika.
Ilimchukua yeye kuishi kama sisi ili tuupate ufalme wake (Wafilipi 2:6-8); yeye mwenye namna ya Mungu toka mwanzo alichukua namna ya mtumwa akawa na mfano wa wanadamu halafu alijinyenyekeza sana akawa mtii mpaka mauti, naam, mauti ya msalaba (kwani ilikuwa laana mtu kuangikwa msalabani-Wagalatia 3:13-14), Yesu anasema jina lako Baba litukuzwe duniani (Yohana 12:28, 17:4,6), kwamba kuitwa kwetu sisi wana wa Mungu ni utukufu kwa Mungu Baba.
Fikiria jina lake la heshima Yesu; imeandikwa ktk Wafilipi 2:9-11 kwa jina hilo kila goti lipigwe la vitu vyote vya mbinguni, duniani na kuzimu.
Halafu, alizaliwa nalo kikawaida kabisa, kipindi kingine alikimbizwa nalo kwenda kufichwa Misri, aliishi nalo mitaani, wakati mwingine hata hakujilipizia nalo pale watoto wenzake walipomuonea, kuna kipindi akiwa mdogo aliwachallenge nalo walimu wa sheria Yerusalemu hawakumtambua vizuri alivyo mwana wa ahadi na hatima, alicheza nalo na hakuna aliyejua, saa ilipofika akajifunua kwalo hakuna aliyemsadiki, alikataliwa nalo, akatukanwa nalo, akatengwa nalo, balaza kuu la makuhani (Sanhedrin) likamuhukumu nalo (Isaya 53), ngoja nikuambie hivi, daraja la ukuhani liliikumbatia laana ya torati, lile lililokuwa njia kumfikia Mungu kama ilivyokuwa kanuni yake Mungu likageuka kifungo, kizuizi kwa watu kumfikia, sababu Mungu alipitisha hilo alipoitoa torati kwa mkono wa Musa akamfanya Haruni kama kuhani wa kwanza kuwakilisha watu wake wanisraeli patakatifu pa patakatifu na sasa Yesu aliwaita makuhani wale walimu wa sheria; mafalsayo na masadukayo kuwa ni kama majeneza yaliyopaka chokaa nyeupe nje huku ndani imejaa mifupa mitupu kwa vile walivyowabebesha watu mzigo mzito wasiyothubutu kuibeba wao, wakiwazuia watu kuingia patakatifu pa patakatifu na huku nao wamepoteza haki ya kupafikia. Hivyo kuhani mkuu Caiaphas hata alipomnyoshea kidole cha hukumu Yesu kumuapisha kwa jina la Bwana, Mungu anayeishi alilokuwa nalo yeye pasipo wao kulijua, kama ni kweli yeye ni mkombozi na mwana wa Mungu, kwa jina hilo akajibu; Ndiyo!, na kukiri kuwa karibu anaenda kwa Baba na karibu mwana wa Mungu atavikwa nguvu na kutawala tena wenyeji wote wa mbinguni, Kuhani mkuu kwa hasira kuu akararua vazi lake na kusema ni kufuru kubwa hii wala haihitajiki ushuhuda mwingine juu ya hukumu yake na hivyo wakamtesa sana nalo, na hata Pilato aliposema sina hatia juu ya damu ya mtu huyu, naona mmekusudia afe nami sijaona kosa juu yake, lile kundi (mob) likiongozwa na kuhani mkuu na makuhani wa Sanhedrin na masadukayo na wamafalsayo wakapiga kelele asulubiwe, na kisha wakasema na damu yake iwe juu yetu sisi na vizazi (watoto) vyetu, akasulubiwa nalo, akafa nalo msalabani na kuzikwa nalo. Haki yetu ya uwana wa Mungu ilipatikana pale golgotha kwa kumwagika damu yake Yesu ktk mauti ya msalaba, na kwa hiyo alituweka huru na dhambi, na hata pazia la hekaluni lilipasuka vipande viwili ili kwa ile haki ya uwana kwa kila anayemwamini aweze ingia patakatifu pa patakatifu binafsi azungumze na Mungu kama ilivyokuwa mpango wake wa awali toka enzi za Adamu.
Unaona kwa hiyo yaliyofanyika yote hayo, kwa ajili yako wewe na mimi, kwani hakuwa tayari kuona sisi tunanyanyaswa kwa kuwa gizani kuishi isivyotusitahili asili yetu, kwa hivyo siku ya tatu akafufuka nalo, halelujah! ili tu sisi tukamilishwe kwalo, tuitwe na tuishi kama wana wa Mungu, wana wa ufalme wa mbinguni duniani. Bwana Yesu Kristo asifiwe! ni habari njema sana hii..
Hivyo chukua nafasi hiyo sasa katika jina la Yesu Kristo wa Nazareti, pokea huo ufalme wa Mungu, kaa hapo ee! mwana wa Mungu, angaza nuru yake, barikiwa, occupy till when He come again. Indeed; you are the son/daughter of God, and when you are the son/daughter of God in Him you are sin-free, amen.
