Esta 6 inaelezea
jinsi ambavyo mcha Mungu; mtu wa sala yule mtu atendaye mema hapaswi kuchoka Mungu
anayothawabu yake na itaipokea kwa wakati wake Mungu, Mungu hamsahau mja wake na
yaweza kuwa yule adui yako mkuu ndiye atakayetumika kukubariki na kukupandisha
hatua mpya na ile hukumu aliyokukusudia ikamurudia yeye mwenyewe. Soma zaidi Esta
6:1-12 kwa habari ya Mordekai na Hamani;
1 Usiku ule
mfalme hakupata usingizi; akaamuru aletewe kitabu cha maandiko ya taarifa, nayo
yakasomwa mbele ya mfalme.
2 Ikaonekana
kuwa imeandikwa ya kwamba Mordekai aliwachongea Bigthana na Tereshi, wasimamizi
wawili wa mfalme, katika hao waliolinda mlango, waliotaka kumtia mikono mfalme
Ahasuero.
3 Mfalme
akasema, Je! Ni heshima gani au jaha gani Mordekai aliyofanyiziwa kwa ajili ya
hayo? Watumwa wa mfalme waliomhudumu wakamwambia, Hakuna alilofanyiziwa.
4 Mfalme
akasema, Yupo nani behewani? Ikawa Hamani alikuwa ameingia katika ua wa nje wa
nyumba ya mfalme, aseme na mfalme, ili kumtundika Mordekai juu ya mti ule
aliomwekea tayari.
5 Basi watumwa
wa mfalme wakamwambia, Tazama, Hamani yupo, amesimama behewani. Mfalme akasema,
Na aingie.
6 Basi Hamani
akaingia. Mfalme akamwambia, Afanyiziwe nini yule ambaye mfalme apenda
kumheshimu? Hamani akasema moyoni mwake, Ni nani ambaye mfalme apenda
kumheshimu kuliko mimi?
7 Basi Hamani
akamwambia mfalme, Yule ambaye mfalme apenda kumheshimu,
8 na aletewe
mavazi ya kifalme ambayo mfalme amezoea kuyavaa, na farasi ambaye mfalme
humpanda mwenyewe, ambaye ametiwa taji ya kifalme kichwani;
9 na yale
mavazi na yule farasi akabidhiwe mkononi mmojawapo wa maakida wa mfalme aliye
mstahiki; ili makusudi amvike yule ambaye mfalme apenda kumheshimu, na
kumrakibisha juu ya farasi kuipitia njia kuu ya mjini, na kupiga mbiu mbele
yake, kusema, Hivyo ndivyo atakavyofanyiziwa mtu yule ambaye mfalme apenda
kumheshimu.
10 Basi mfalme
akamwambia Hamani, Hima! Twaa mavazi na farasi kama ulivyosema, ukamfanyizie
vivyo hivyo Mordekai, Myahudi, aketiye mlangoni pa mfalme; lisipungue neno lo
lote katika yote uliyoyasema.
11 Ndipo Hamani
alipoyatwaa mavazi na farasi, akamvika Mordekai yale mavazi, akamrakibisha juu
ya farasi kuipitia njia kuu ya mjini, akapiga mbiu mbele yake, Hivyo ndivyo
atakavyofanyiziwa mtu yule ambaye mfalme apenda kumheshimu.
12 Kisha
Mordekai akarudi kwenye mlango wa mfalme. Bali Hamani akaenda mbio nyumbani
kwake, mwenye msiba, na kichwa chake kimefunikwa.
Heri walio wavumilivu katika Bwana maana watairithi nchi, barikiwa na Yesu
Kristo, Amina.
