Hakika! Mwanadamu
akimwamini Mungu ni zaidi ya ngome hata mwili wake huwa hauna uwezo tena wa kumumiliki
ama kuyaendesha maisha yako, kwa namna ambayo thamani ya Uhai wake huwa ni
Mungu mwenyewe na sio yeye mwenyewe. Ndio! Mwanadamu AKIAMINI waswahili husema
ni shida, kwani hata mwili wake huwa mavumbi hakika hali yungai hai kwani huwa
sio kitu tena kwake (huo mwili) cha kushikamana nacho hata atishiwapo kuuawa
(Ufunuo 12:11), kwa sababu kumuamini Mungu ni nguvu za Mungu zisizoshindwa na
kitu ama kuogopeshwa na kitu chochote ama mtu yeyote.
Nasema tena
mwanadamu akiamini yaani akimwamini YESU KRISTO kuwa ni Mungu ndipo awezapo
kiishi kwenye kiwango hicho cha uungu wa Mungu, kwa sababu wa nyama yaani
mwanadamu hawezi kuwa mjasiri ama roho yake kuhuishwa mpaka aone mfano wa mwanadamu
wa nyama kama yeye aliyeweza kushinda yote ndivyo naye ashindavyo, ndio maana
kuanguka kwa Adamu wa kwanza kuliangusha wanadamu wote waliomfuata yeye yaani
wale wote pamoja na sisi tuliofuata baada yake, lakini kushinda kwa Adamu wa
pili yaani YESU KRISTO ndio kutuwezeshavyo sisi nasi kuwa washindi katika yeye.
YESU KRISTO alikuja kama mtu wa nyama duniani hali yuna uungu ndani yake na ni
Mungu hakika ili kutuonyesha na kutufundisha sisi mwanadamu tuliovunjika moyo
na kukosa matumaini namna ya kuishinda dunia, ndio! dunia inapaswa tuishinde
kwa kuwa ni adui wa Mungu (Yakobo 4:4), ndio! Giza lahatamia dunia na kuzaa
mapooza lakini yeye alikuja kama Nuru ulimwenguni ili kila aliyejaliwa kwa
neema ya Mungu kuiona hiyo Nuru asikae tena gizani bali apate uzima wa milele
kwa kuiamini hiyo Nuru iliyofunuliwa katika Kristo YESU.
Unaweza ukashindwa
kuelewa ya kuwa nazungumzia nini hapa, naomba kwa neema zake Mungu akufunulie
kwa uwezo wa Roho mtakatifu katika jina la YESU KRISTO nawe upate kumwamini
Mungu. Nasema tena na tena mwanadamu akiamini yaani “WHEN MAN BELIEVE” ngoja
nikwambie hivi siyo MWANADAMU AKIAMINISHWA namaanisha AKIAMINI yeye kama yeye,
yeye mwenyewe akimwamini MUNGU hapingiki msimamo wake, hakati tamaa, haogopi
kitu wala mtu hata iwe malaika amshawishie mabaya, ndio! Mwanadamu akiamini.
Kuaminishwa ni
kuzuri lakini ni moto wa muda tu kama utaishia kutokumuamini Mungu aliye wa
milele yaani kama imani yako itagota kumuamini tu yule aliyekuaminisha kwa Mungu
ambapo wewe mwenyewe pengine usimjue mungu huyo. Kuaminishwa ina maana sio wewe
mwenyewe unapewa nguvu ya kuamini bali mtu mwingine anakuwa ana nguvu ya
kukuaminisha wewe yaani unakuwa unamwamini Mungu kwa sababu fulani kasema kitu
cha ushawishi cha kukufanya wewe uamini lakini moyoni mwako wewe kama wewe huna
mizizi ya imani hiyo hii ni mbaya sana, kwani wale wakuaminishao kama tu
watakengeuka kwa namna yoyote ama kupotoka wataanguka na imani za wengi na
kuwafanya warudi nyuma kwa sababu hawakuamini kwanza katika Mungu bali
waliamini kwanza katika mwanadamu kisha Mungu, imani yao ikawa inavutavuta huku
ikiwa imeshikiliwa na wale walio waaminisha. Ndio! Kuaminishwa na wanadamu
baadae kisha wewe mwenyewe kumuamini Mungu ni sawa na ndio mpango wa Mungu na
haipingiki na inawezekana kabisa, ila sasa wapo walioaminishwa kwa mungu ambaye
hawamjua wakamwamini yule mwanadamu kisha akawaingiza wote kama kondoo korongoni
na wapo walioaminishwa wakaishia kuwa kama wapambe wa wanadamu hao ambao mwisho
wao haukuwa katika mpango wa Mungu bali wa mwanadamu hawakuwa na msingi wa Neno
la Mungu wala mizizi iliyoshikamana na Mungu bali kama upepo usio na uelekeo
uelekeao pande zote.
Ndio maana YESU
KRISTO anasema; Je’ kutakuwepo na imani duniani wakati Mwana wa adamu atakaporudi?(Luka
18:8), Jamani kuna imani nyingi duniani lakini ipo imani ya KRISTO ambayo ni hakika
kabisa tunayopaswa kushikamana nayo milele, wengine waweza sema imani yako
imepunguka ama imeisha kabisa lakini wewe rohoni unajua unayoimani
inayoongezeka kila wakati ambayo wao hawajaifahamu bado, unajua kwa nini? Ni kwa
sababu zipo imani nyingi duniani. Natujue kabisa hatuweza kumpendeza Mungu pasipo
imani ile ya kumuamini yeye Muumba wa vyote (Waebrania 11:6), na pia YESU
KRISTO anasema yeyote asiyeipoteza ile imani ya kumuamini yeye amebarikiwa
hakika (Mathayo 11:6), kwa hivyo ili kweli tuwe na haki mbele za Mungu (wenye
haki) imetupasa kuishi kwa imani yaani tuishi tukimuamini yeye na wala sio
miungu (Wagalatia 3:11).
Mpendwa mwamini
Mungu hata kama ni kupitia mwanadamu lakini nakusihi mwamini Mungu sana sana
ili usiweze kutikiswa na nguvu batili zilizoenea ulimwenguni ama kuaminishwa
katika imani itakayokuondolea haki ya Mungu, na Mungu atuwezeshe na kutuweka
katika mikono salama ya wanadamu wake aliowaandaa na kuwakusudia yeye mwenyewe
kuwa kama viongozi kwetu na sio wale wanadamu ambao kwa kuteka nguvu za dunia ama
kwa upako wa Mungu waliouchafua usio na utukufu wa Mungu tena wakajifanya
viongozi juu yetu ili kututawala. Bwana YESU KRISTO yu hai mwamini yeye leo atakuwa
salama yako na ukombozi wako na uzima wako na uponyaji wako na mafanikio yako,
Amina.
No comments:
Post a Comment